د انټرنټ له لارې يا پليکه ښوونځي لپاره ځيرک ټليپون، کمپيوټر يا ټابليټ چې انټرنټ سره تړلى وي اړتيا لرئ. همدارنګه د نورو درسي توکو چاپولو لپاره چاپيندي (پرينټر) هم غوره ده چې و لرئ، خو اړين نه دى. پليکه ښوونځي داخله وړيا ده، د ټولګي ښووندود يا نصاب او نورو مالوماتو لپاره اړوند ټولګي ته ټک ورکړئ.
د ځيرک ګرځند يا موبايل لپاره د لېوال ښوونځي پوستغالى يا اپ له ګډون څخه وروسته درکول کېږي يا کولاى شئ ګوګل سټور کې د لېوال ښوونځي په نوم ولټوئ.
يادونه: که تاسې پښتو يوازې د مورنۍ یا دويمې ژبې په توګه زدکول غواړئ نو ټولګيو کې ګډون مه کوئ او پښتو ژبې نړیوال ډیپلوم (پژنډ) لاندې [نومليکنه] تڼۍ کليک کړئ.
بشپړ ټولګي کې د ګډون لپاره اړوند ټولګى پيدا او هغه لاندې [نومليکنه ] تڼۍ کليک کړئ.
يادونه: په بېليکه بڼه ښوونځى لوستلو لپاره په نومليکنه کې وليکئ چې پرته د انټرنټ له لاري ښوونځي غواړي.
پرته له انټرنټ ښونځى (بېليکه)
پرته له انټرنټ ښونځي لپاره تاسې ځيرک ټليپون، ټابليټ يا کمپيوټر ته اړتيا لرئ. ښوونيز منځپانګه او د لېوال ښوونځي پروګرام په ځانګړي ميموري کارډ کې زموږ له نېږدې استازي يا پګړوالو څخه ترلاسه کوئ، موږ هڅه کوو چې د ټول هېواد په کچه پګړوال ولرو. دوى ستاسې سره وړيا مرسته کوي چې ښوونځي کې نومليکنه وکړئ اود ښوونځي ښوونيز پروګرامونه ستاسې په ګرځند يا کمپيوټر کې سمبال کړئ. هېله ده تاسې هم پګړوال شئ او نورو سره مرسته وکړئ.
