د لېوال ډيجيټل ښوونځي له ګرانو زدکوونکو او د هغوى له مورپلار يا وکيل څخه ملګرتيا غواړو چې د هر لوست لپاره پوښتنې او کورنۍ دندې سيستم ته واچوي. ترڅو د دوى بچي ژر له ازموينو يا امتحان څخه ګټه پورته کړي. د هر لوست پاى کې لنډه ازموينه يا امتحان راځي چې په سم ځواب ورکولو زدکوونکي ته سيسټم بل لوست راولي. د ښوونځي سيستم کې دغه اسانتيا جوړه ده خو د کسانو د کمښت له امله پوښتنه، چې يو سم او درې ناسم ځوابونه ولري جوړولو لپاره ستاسې مرسته پکار ده.

لېوال ډيجيټل ښوونځي د ازموينو سيستم جوړولو لپاره، لومړي ټولګي څخه تر ١٢ ټولګي د تېرو ٣ کلونو زړې پارچې له پوښتونو او ځوابونو سره پکار دي.

د لېوال ډيجيتل ښوونځي زدکوونکو، مورپلار او خپلوانو څخه هيله ده چې ځان، خپلو بچيو او نورو سره د مرستې لپاره هلېځلې وکړي، د تېرو کلونو پوښتنې، ځوابونه يا پارچې راټولې کړي يا که تجربه لري مرسته وکړئ پوښتنې او ځوابونه جوړ کړي.

ښوونکي که د تېرو ٣ کلونو زړې پوښتنې/سوالونه يا هم پوښتنې او ځوابونه لري هيله ده شريکې يې کړي.

که څوک دغې چارې ته خپل بشپړ وخت ورکوي، ښوونځيو، زدکوونکو يا اړوند ادارو څخه پارچې راټولوي په هره پوښتنه چې پارچه يې مل وي، او لاندې جدول مالومات يې ورډ کې بشپړ کړي وي، د هرې پوښتنې پرسر لس افغانۍ ورکول کېږي، (پوښتنې بايد تر سلو ډېرې وي چې پيسې ترلاسه کړي). د " پوښتنې ځوابونه ١-١٢ ټولګي پورمه" جوړښت مل دى. د نورو مالوماتو لپاره اړيکه وکړئ.